Grenserittet 2011

Standard

Så var det gjort. Det eg har trent for i heile år,  og hatt dårleg samvit for ikkje å ha trent nok for. Grenserittet. Strömstad til Halden. 84 km.

I år hadde eg med eige crew, nærare bestemt Ida Nerheim. Ho køyrde meg til Strömstad, tok bilete av meg, og plukka meg opp på festningen i Halden etter rittet. Det var godt å ha sjåfør. Ein sjåfør som riktignok vart så trøytt at eg laut køyra bilen frå Drammen og heim. Men godt lag er ho, Ida!

Eg var spent på korleis det ville gå å gjennomføra rittet i år. Har ikkje fått trent så mykje som eg gjerne ville og burde, men litt har det no blitt. Som vanleg sov eg dårleg siste natta, med dei vanlege draumane om forferdelege krampar, om fall og knall, om å forsova seg, om å oppdaga at det er 84 mil istaden for kilometer, osv… Fekk likevel nokre timar svevn i ei herleg seng hjå syskenbarnet til Ida. Oppvartinga var det heller ikkje noko å seia på.

Som vanleg var eg i godt tid framme ved Gymnasskolan i sentrum av Strömstad, og sat meir og mindre og venta i halvannan time på å få starta. Ingenting er som å grua seg… Noko av det mest minnerike eg gjorde der var å velta med sykkelen midt i ein fotgjengarovergong. Midt blant bilar, syklistar og tilskodarar. Moro! Heldigvis er kroppen min mjukare enn asfalten, så det gjekk så fint atte…

Rett etter passering av E6, ca 75km igjen av rittet

Pga mitt noko låge treningsgrunnlag hadde eg lagt den enkle strategien om å opna forsiktig fyrste 4 mil, for så å auka på om eg hadde noko å auka

på med. Altså same opplegget som fyrste året eg sykla rittet. Dette fungerte fint. Eg var sindig og lot andre fresa frå meg heile vegen til norskegrensa, heldt pulsen låg, åt og drakk godt, plystra og song, og nøyt turen. Veldig fin måte å sykla ritt på! Etter matstasjonen etter 4 mil byrja eg å dra litt på, og det fungerte fint. Låra kjendest gode ut og eg byrja passera folk igjen. Etter ca 5 mil skjedde så det kjedelege at eg punkterte. Eg kan ikkje minnast sist det skjedde, så eg kikka igrunn litt undrande ned på det flate bakdekket. Etter litt meir undring, kom eg så på at eg hadde ein ekstra slange liggjande i setetaska. Den har lege der sidan eg sykla rittet for fyrste gong i ’09. Eg fekk av bakhjulet, klarte å få av dekket rimeleg raskt, fekk av slangen, bytte med reserveslangen, og pumpa det eg var god for med sykkelpumpa mi. Ingen reaksjon… Etter litt undersøkjing av pumpa konstaterte eg at den i alle fall fungerte, og fann så ut at det var hol i reserveslangen også…. Ja, ja, tenkte eg med meg sjølv, der var årets ritt

Sliten, men godt nøgd!

spolert. Det var ei mil i kvar retning til næraste plukk-meg-opp-punkt. Etter litt vurdering på kva eg skulle gjera, kom ein servicemotorsykkel køyrande. Han stoppa og hadde heldigvis ein ekstra sykkelslange som eg kunne få. Etter å ha fått av dekket og bytta slangen, klarte eg heller ikkje no å få luft i. Eg hadde feil pumpe til den type ventil slangen hadde. Etter fleire lange minutt kom endå ein servicemotorsykkelmann køyrande – og han hadde sykkelpumpe. Endeleg kunne eg fortsetja rittet.

Dei siste 3 mila var prega av mykje energi, gode lår (med littegrann krampenapping, berre), forbikøyring etter forbikøyring, og ein herleg spurt etter me fekk Coca-Cola 5 km før mål. Godt nøgd kom eg inn til mi dårlegaste tid på desse tri åra. Eg grugler meg allreie til neste år!

3 responses »

  1. Høyres ut som eit herleg opplegg! Godt du kom heilskinna i mål… Og fantastisk at du har oppretta eigen blogg, gler meg til å fylgje med på fleire forteljingar her inne! Eg har allereie lagt deg til blogglista mi, og ventar i spenning på neste oppdatering. Kjem til å sitje her og nistirre på skjermen heilt til det skjer, så eg håpar det ikkje er så lenge til. Vis omsyn til dine kollegaer…

  2. Gratulerer broder:) dette kan du være godt fornøyd med! Kryss fingrene for Mark og Birken i år – her høljer regnet ned, så jeg lurer på om det blir sykling eller gjørmebrøyting i år:)

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s