♫♬♫♬…og jeg vil reeeeeeiiiiisee heeelt til Arrrrrgentiiiiinaaaaa!♫♬♫♬

Standard

Han sa det godt, Eivind «Ratiti» Løberg.

No sit eg på Gjøvik hjå syster Therese og ventar på at siste del av fyrste del av reisa skal ta til. Onsdag tok eg farvel med far og mor og reiste til Bjørg og Matthias i Drammen. Så reiste eg vidare til Gjøvik i går. No skal eg snart ta bussen til Gardermoen. Er litt spent.

Den siste månaden har eg brukt til å skriva litteraturoppgåve om boka «Kiss of a Spider Woman», av den argentinske forfattaren Manuel Puig. Dette er fyrste del av pensumet for litteraturdelen av studiet i Argentina. I tillegg har eg brukt tida på å friska opp dei spanskglosene eg framleis minnest, samt å sjå litt på korleis det spanske språket er bygd opp. Kjenner no at eg nok kunne fått jobba meir med den delen, men det er no i Argentina eg skal ta til med studiene for fullt.

På tysdag var eg oppe hjå bestemor for å seia hadet. Bestemor er ikkje vidare hiven på at eg skal reisa vekk frå Suldal i det heile, og særs ikkje når eg viste ho kor langt vekke Argentina var. Ho er glad i å ha oss kringom seg, bestemor 🙂 . Normalt sett er ho oppteken av at eg skal finna meg ei jente snart, ei snill jente som kan eg kan bu i Suldal med og få mange ungar med. Då eg ymta frampå at eg kanskje fann meg ei der nede i dette Argentina, fekk fela ein annan lyd… «-Å, nei! Det må du’kje finna på! Du må komma tebars, Eskil!». Så då veit eg det. Finna kjærleiken i Argentina… eh, nei! Då eg skulle forlata bestemor, trilla eg ho inn til Moste Tordis. Der måtte eg også fortelja om kva eg skulle gjera, og ho var vel heller ikkje heilt overtydd om at dette var det luraste ein kunne finna på. Då eg gjekk derifrå, kunne eg høyra dei prata saman. Moste Tordis: «-Eg kan’kje anna enn å le av di’… alt de» di» ska finna på». Like sikkert kom det frå bestemor: «Ja….. UUUFFF».

 

Neste oppdatering på bloggen blir i Buenos Aires, Argentina. Der landar eg laurdag kl 8, lokal tid.

 

Eskil

6 responses »

  1. God tur, gode kompis! No får jupene i dyraheio kvila eit år. Men, i 2012 skal dei ikkje føla seg trygge. Ser fram til å lesa bloggen din og få vita korleis kvardagslivet i Argentina vil fortone seg for deg.

  2. Skjønne Bestemor! Stemmer med henne: Du må love å komme hjem igjen!!! Men jeg håper jammen du får det knall der nede og, det unner jeg deg 🙂 Gleder meg til å lese mer på bloggen!!!

  3. Hallo vennen, kjekt å lese. Du skriv godt! Gleder meg til å lese meir. Lykke til i morgen. Mamma.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s